Chini ya Cap 269, Revised Edition 2023, Bodi ya Usajili wa Wabunifu Majengo na Wakadiriaji Majenzi (AQRB) ina jukumu la:

1. Kusajili Wataalamu na Kampuni

   • Kusimamia rejista za wabunifu majengo, wakadiriaji majenzi, wahitimu wa usanifu majengo na ukadiriaji, technician wa usanifu majengo, draughtsman (wa ndani na wageni), na kampuni zao; kufanya maamuzi ya kila mwaka kuhusu maombi ya usajili.

2. Kuweka Ada

   • Kuweka ada za usajili, maombi, michango ya kila mwaka, na ada nyingine zinazohitajika.

3. Kudhibiti Shughuli na Mwenendo

   • Kusimamia mwenendo na shughuli za kitaaluma za wabunifu majengo, wakadiriaji majenzi, na wataalamu wengine waliosajiliwa.

4. Kukagua Tovuti za Ujenzi

   • Kuthibitisha kuwa kazi zinafanywa na kampuni zilizojisajiliwa, kuhakikisha kufuata sheria na viwango vya usalama, kuonyesha mabango ya mradi na stika za usajili, na kuchukua hatua za kisheria dhidi ya wakiukaji.

5. Kukuza Maendeleo ya Kitaaluma

   • Kuwezesha mafunzo endelevu ya kitaaluma (CPD) na mafunzo katika usanifu majengo, ukadiriaji majenzi, na masomo yanayohusiana.

6. Kusajili Miradi ya Ujenzi

   • Kusimamia miradi ya ujenzi kuhakikisha inakidhi viwango vya kitaaluma na sheria.